ஸ்பேஸ்எக்ஸ் நிறுவனத்தின் உலகின் சக்தி வாய்ந்த ராக்கெட் Starship சோதனை

எலான் மஸ்க்கின் Space X நிறுவனத்தின் “Starship” ராக்கெட் நேற்று சோதனை செய்யப்பட இருந்த நிலையில் தொழில்நுட்பக் கோளாறு காரணமாக சோதனைப் பயணம் இன்று (சனிக்கிழமைக்கு) ஒத்தி வைக்கப்பட்டுள்ளது. உலகிலேயே இதுவரை கட்டப்படாத மிக சக்திவாய்ந்த ராக்கெட் ஆக ஸ்பேஸ்எக்ஸ்-இன் Starship கருதப்படுகிறது. ஃபெடரல் ஏவியேஷன் அட்மினிஸ்ட்ரேஷன் நிறுவனம் கடந்த புதன்கிழமை, எலான் மஸ்க்கின் ஸ்பேஸ்எக்ஸ் நிறுவனத்தின் உலகின் மிகவும் சக்தி வாய்ந்த மற்றும் பிரமாண்டமான Starship ராக்கெட் சோதனைக்கு அனுமதி வழங்கியது. ஏப்ரல் மாதத்தில் நடந்த முதல் சோதனையின் போது ராக்கெட் வெடித்து சிதறியது. இந்த நிலையில் பல கட்ட மேம்படுத்தலுக்குப் பிறகு 2-வது முறையாக எப்.ஏ.ஏ சோதனைக்கு அனுமதி வழங்கியுள்ளது. இதுகுறித்து ஸ்பேஸ்எக்ஸ் நிறுவனர் எலான் மஸ்க் தனது X பக்கத்தில் ஸ்டார்ஷிப் ராக்கெட்டின் கிரிட் ஃபின் ஆக்சுவேட்டர் மாற்றப் பட வேண்டும். அதனால் ஏவுதல் சனிக்கிழமைக்கு (18.11.2023) ஒத்திவைக்கப்படுகிறது” என்று பதிவிட்டுள்ளார்.