Strawberry Moon : 2025-ம் ஆண்டின் ஸ்ட்ராபெரி நிலவு ஜூன் 11-ம் தேதி தோன்றுகிறது

ஸ்ட்ராபெரி நிலவு என்று பெயர் வைக்கப்பட்டுள்ளதால் இது ஸ்ட்ராபெரி நிறத்தில் இருக்கும் என்றும் நினைக்க வேண்டாம். அமெரிக்காவில் இந்த பௌர்ணமி நாளில்தான் ‘ஸ்ட்ராபெரி பழங்கள்’ விளைய தொடங்கும் என்பதால், அமெரிக்க பழங்குடியினர் இந்த பௌர்ணமிக்கு ஸ்ட்ராபெரி நிலவு என்று பெயர் வைத்துள்ளனர். மற்ற முழு நிலவை காட்டிலும், இந்த நிலவு அடிவானத்திலேயே பிரகாசமாக தோன்றுவதற்கு சில காரணங்கள் உள்ளன. ஒப்பீட்டளவில் இந்த பௌர்ணமி நிகழ்வின்போது, சூரியனிலிருந்து பூமி மிக நீண்ட தூரத்தில் இருக்கும். பூமி, சூரியனை நீள்வட்ட பாதையில் சுற்றும் என்பதால் குறிப்பிட்ட சில நாட்களில் சூரியனுக்கு அருகிலும், குறிப்பிட்ட சில நாட்களில் சூரியனுக்கு தூரத்திலும் பூமி இருக்கும். இந்த சமயத்தில் பூமி தொலைவில் இருப்பதால், நிலவின் தொலைவும் சூரியனிலிருந்து தூரமாக இருக்கும்.