Success Journey Of Pothys : நான்காம் தலைமுறையைக் கண்டுள்ள போத்தீஸ் நிறுவனத்தின் வெற்றிப் பயணம்

சிறிய அளவில் தொடங்கப்பட்ட போத்தீஸ் துணிக்கடையை மிகப்பெரிய பிராண்டாக மாற்ற வேண்டும் என்பது போத்தீஸ் நிறுவனத்தின் நிர்வாக இயக்குநர் ரமேஷின் பெரியப்பாவின் கனவு ஆகும். அதை நோக்கியே ரமேஷின் அப்பா மற்றும் பெரியப்பா இயங்க ஆரம்பித்தார்கள். வில்லிபுத்தூரில் இருந்த கடையில் நிறைய மாற்றங்களை அவர்கள் இருவரும் கொண்டு வந்தார்கள். போத்தீஸ் துணிக்கடையின்  தரமும் வெரைட்டியும் சிறப்பாக இருக்கும் என்ற எண்ணத்தை மக்கள் மனதில் பதிய வைத்தார்கள். அதே நம்பிக்கையில் 1986-ல் திருநெல்வேலியில் தங்களுடைய அடுத்த கிளையைத் தொடங்கினார்கள். அது அவர்களுடைய மிகப்பெரிய ஆரம்பம் ஆகும்.

போத்தீஸ் நிறுவனம் நான்கு தலைமுறைகளை கண்டுள்ளது என்று சொன்னாலும், நிறுவனத்தின் மூன்றாம் தலைமுறையான நிர்வாக இயக்குநர் ரமேஷின் அப்பா மற்றும் அவர்களின் சகோதரர்கள் எடுத்த முயற்சிதான் நிறுவனத்தை அடுத்தகட்டத்துக்கு நகர்த்தியது என்று சொல்லலாம். அந்த நம்பிக்கையில் 1986-ல் திருநெல்வேலியில் தொடங்கிய கிளையில் எல்லா வகையான துணி வகைகளையும் ஒரே இடத்தில் கிடைக்கச் செய்தது தொடங்கி, பிரமாண்டம் என்பதை மக்கள் மனதில் பதிய வைத்தது வரை அந்தக் கடைக்கு ரமேஷின் அப்பா கையாண்ட விளம்பர யுக்தி, துணியின் தரம், வெரைட்டி எல்லாம் மக்களோட பெரிய ஆதரவை போத்தீஸ் நிறுவனத்துக்குக் கிடைக்கச் செய்தது. நிர்வாக இயக்குநர் ரமேஷின் அப்பா டெவலப் செய்வதில் கவனம் செலுத்தி அடுத்தடுத்த ஊரில் கிளைகள் தொடங்க வேண்டும் என்ற திட்டத்தை தன் சகோதரர்களுடன் சேர்ந்து முடிவெடுத்ததால் இன்று சென்னை, பெங்களூரு, பாண்டிச்சேரி என 18 கிளைகள் கொண்ட நிறுவனமாக வளர்ந்துள்ளது.