சருமத்தை கோடைக்காலத்தில் இருந்து பாதுகாக்க 8 வழிமுறைகள்

Summer Skin Care Tips: நம் உடலில் நிறைய உறுப்புக்கள் இருக்கிறது இதில் மிகப்பெரிய உறுப்பு எதுவென்றால் சருமம்தான். நம் உடலின் கழிவுகளை வெளித்தள்ளவும் இதற்கு மிகப்பெரிய பங்கு இருக்கிறது. இந்த சருமத்தின் நீட்டிப்பு மற்றும் தொடர்புதான் முடி மற்றும் நகங்கள்.

ஒரு மனிதன் ஆரோக்கியமாக இருக்கிறானா என்பதை அவனுடைய சருமத்தை வைத்தே தெரிந்து கொள்ளலாம். அந்த வகையில் பார்த்தோமேயானால் இந்த சருமத்திற்கு முக்கியத்துவம் இருக்கிறது. இயற்கையாகவே சருமத்தை பாதுகாக்கும் கவசங்கள் நம் உடலில் இருக்கிறது.

உடலின் வெப்ப நிலையை சமன்படுத்த தோலின் மேற்பகுதியில் முடிகள் மற்றும் வெளியில் உள்ள தட்ப வெப்பநிலையை சரிசெய்ய தோலின் உட்புறத்தில் கொழுப்புகளால் ஆன அடுக்குகள் அரண் போல அமைந்துள்ளது. மேலும் தோலில் சீபம் (எண்ணெய் சுரப்பிகள்), PH (தோலின் அமில தன்மை)  போன்றவைகள் இயற்கையாகவே தோலை பராமரிக்கிறது. பருவ காலங்கள் மாறும்போது நம் தோலின் தன்மைகளிலும் மாற்றங்கள் ஏற்படும்.

குறிப்பாக குளிர் காலங்களிலும், கோடைக் காலங்களிலும் சருமத்தின் தன்மை மாற்றம் அடையும். PH என்னும் சருமத்தின் தன்மையானது காரத்தன்மை, அமிலத்தன்மை என்னும் வகைகளில் அமைந்துள்ளது. இதில் அதிக அமில தன்மையான (Highly Acidic) வெளியில் இருந்து ஏதேனும் ஊடுருவி சென்று எந்த விதமான தொற்றுகளும் ஏற்படுத்தி விடக்கூடாது என்று சருமத்தை பாதுகாக்கிறது. இந்த அமில தன்மையானது குறையும் போது சருமத்தில் காரத் தன்மை அதிகரிக்கிறது. காரத்தம்மை அதிகரிக்கும் போது சருமத்தில் மாற்றம் ஏற்பதுகிறது.