Suriya Joins With Karthik Subburaj : சூர்யா 44 - கார்த்திக் சுப்புராஜுடன் இணையும் சூர்யா

சூர்யாவின் 44வது படமாக உருவாகும் இப்படத்தை கார்த்திக் சுப்புராஜ் இயக்கவுள்ளதாக அதிகாரப்பூர்வமாக அறிவிக்கப்பட்டுள்ளது. முதல் முறையாக இயக்குனர் கார்த்திக் சுப்புராஜ் சூர்யாவுடன் (Suriya Joins With Karthik Subburaj) கைகோர்த்திருப்பது ரசிகர்களின் எதிர்பார்ப்பை அதிகரித்துள்ளது. தமிழ் சினிமாவின் முன்னணி நடிகரான சூர்யாவின் கடைசி படமாக 2022 இல் எதற்கு துணிந்தவன் படம் வெளியானது. அதன் பிறகு விக்ரம், ராக்கெட்ரி ஆகிய படங்களில் சிறப்பு தோற்றத்தில் நடித்தார். ஆனால் அவர் ஹீரோவாக நடித்த படம் வெளியாகி 2 வருடங்கள் கடந்துவிட்டன. இந்நிலையில் சூர்யா தனது 42 வது படமாக உருவாகும் கங்குவா படத்தில் நடித்து வருகிறார்.

சிறுத்தை சிவா இயக்கும் இப்படத்தில் பாலிவுட் நடிகர் பாபி தியோல் மற்றும் திஷா பதானி நடித்துள்ளனர். ஸ்டுடியோ கிரீன் நிறுவனம் தயாரிக்கும் இப்படத்திற்கு தேவி ஸ்ரீ பிரசாத் இசையமைத்துள்ளார். மேலும், படத்தில் வில்லனாக பாபி தியோல் நடிக்கிறார். அதுமட்டுமின்றி கோவை சரளா, யோகி பாபு, ரெடின் கிங்ஸ்லி, நடராஜன் சுப்ரமணியன், ஜெகபதி பாபு, கே.எஸ்.ரவிக்குமார் என பல பிரபலங்களும் கங்குவா படத்தில் இணைந்துள்ளனர். சமீபத்தில் இப்படத்தின் டீசர் வெளியாகி பெரும் வரவேற்பை பெற்றது. இப்படம் ஏப்ரல் மாதம் வெளியாகும் என கூறப்படுகிறது.