Sweets எப்போது சாப்பிடலாம் : உணவு சாப்பிட்ட பிறகு இனிப்புகள் எடுத்து கொள்வது உடலுக்கு தீங்கானது

Sweets எப்போது சாப்பிடலாம் : நாம் தினமும் உணவு சாப்பிட்டவுடன் இனிப்புகளை எடுத்து கொண்டுவந்தால் வரும்காலங்களில் செரிமான பிரச்னைகளை எதிர்கொள்ள நேரிடுமென சமீபத்தில் நடத்திய ஆய்வு முடிவுகளில் கூறப்பட்டுள்ளது. நம்மில் பெரும்பாலோனர் உணவிற்குப் பிறகும் இனிப்பு சாப்பிடுவதை வழக்கமாகக் கொண்டுள்ளனர். பார்ட்டிகளில் கூட, ஸ்டார்டர்கள் மற்றும் சூப்கள் முதலில் வழங்கப்படுகின்றன. கடைசியாக தான் இனிப்புகள் வழங்கப்படுவதையும் நாம் பார்த்து இருப்போம். இந்த பழக்கம் பல ஆண்டுகாலமாக தொடர்ந்துவருகிறது.

நம்முடைய ஆயுர்வேத உணவு முறையானது, இனிப்பு, கசப்பு, புளிப்பு, உப்பு, மற்றும் துவர்ப்பு என அறு சுவைகளை அடிப்படையாக கொண்டது. அதாவது, ஒருவர் முதலில் இனிப்புடன் உணவை தொடங்க வேண்டும். காரணம் நாம் முதலில் இனிப்பு ஒன்றை சாப்பிடும்போது நம் உடலில் அதிகளவு உமீழ்நீர் சுரக்கும். இதைத்தான் பண்டைய தமிழ் மருத்துவத்தில் தித்திப்பன எல்லாம் முதலில் கசப்பவை எல்லாம் கடைசியில் உண்ண வேண்டும் என கூறப்பட்டுள்ளது. அதைத் தொடர்ந்து மத்தியில் உப்பு, இறுதியில் துவர்ப்பு அல்லது கசப்பான ஒன்றைச் சாப்பிட வேண்டும். ஆறு சுவைகளையும் திருப்திப்படுத்தும் உணவை உண்பது நாம் ஆரோக்கியமாக இருக்க பெரிய அளவில் உதவுகிறது. ஒரே மாதிரியான உணவின் சுவை அல்லது சில சுவை கொண்ட உணவுகள் உடலில் பலவிதமான உடல்நலப் பிரச்சனைகளுக்கு வழிவகுக்கும்.