Thaai Kizhavi Review : மிரட்டும் ராதிகா, தெறிக்கும் காமெடி.. பக்கா பொழுதுப்போக்கு படமா ‘தாய் கிழவி’ திரை விமர்சனம்.!

இந்தப் படம் நகரமயமாக்கல், நிலம் கையகப்படுத்தல், மற்றும் மூத்த குடிமக்கள் பாதுகாப்பற்ற வாழ்க்கை போன்ற கருத்துக்களை நகர வளர்ச்சி vs பாரம்பரியம் என்ற கோணத்தில் விவாதித்துள்ளது. செல்வி அம்மாள் (ராதிகா சரத்குமார்) கணவனை இழந்த பிறகும் யாரிடமும் உதவியை நாடாமல் வட்டிக்குப் பணம் கடன் கொடுத்து, அதன் மேல் வட்டி வசூலித்து வாழ்ந்து வருகிறார். அவர் தனது குடும்பம், வீடு, மற்றும் பேரன் இவையே தனது உலகம் என வாழ்ந்து வருகிறார். அந்த ஊர் மக்கள் அஞ்சும் ஒரு அதிகாரம் படைத்த பெண்மணியாக திகழ்கிறார். அந்த கிராமத்தின் கடன் பொருளாதாரமே அவர் கையிலேயே வைத்திருப்பதால், அந்த ஊர் மக்கள் அவர் எப்போது சாவார்? என்று ஏங்குகிறார்கள். அவர் வாழ்ந்து வரும் புறநகர் பகுதியை ஒரு ரியல் எஸ்டேட் நிறுவனம் கைப்பற்ற முயற்சி (Thaai Kizhavi Review) செய்து வருகிறது. திடீரென பக்கவாதத்தால் பாதிக்கப்பட்டு கோமா நிலைக்கு செல்லும் செல்வி அம்மாளை காப்பாற்ற வேண்டும் என மகன்கள், மருமகன்கள் நகை நட்டை விற்று, கடன் வாங்கி தனியார் ஆஸ்பத்திரத்தில் சேர்க்கின்றனர். அவர்கள் வாழும் வீட்டை கைப்பற்ற அந்த ரியல் எஸ்டேட் நிறுவனம் முயற்சி செய்கிறது. இறுதியில் குடும்ப உறவுகளை மேம்படுத்தும் மற்றும் உணர்த்தும் உருக்கமான முடிவுடன் இப்படம் முடிகிறது.