Thalaivar 171 Title Promo : தலைவர் 171 டைட்டில் ப்ரோமோ ரெடி

ரஜினிகாந்த் நடித்துவரும் “வேட்டையன்” அக்டோபர் வெளியாக இருப்பதாக படத்தின் தயாரிப்பு தரப்பான லைகா புரொடக்‌ஷன்ஸ் நேற்று தனது எக்ஸ் தள பக்கத்தில் இந்த அறிவிப்பை வெளியிட்டுள்ளது. இப்படத்தின் படப்பிடிப்பு இம்மாதத்துடன் நிறைவடையவுள்ள நிலையில், போஸ்ட் புரொடக்‌ஷன் பணிகளை முடுக்கிவிட்டு அக்டோபர் மாதம் படத்தை வெளியிட படக்குழுவினர் தயாராகி வருகின்றனர். கடந்த ஆண்டு வெளியான ரஜினியின் ஜெயிலரும், கடந்த பிப்ரவரியில் வெளியான லால் சலாம் படமும் ரஜினிக்கு சிறப்பாக கை கொடுத்தது. குறிப்பாக ஜெயிலர் படம் ரூ.600 கோடி வசூல் சாதனையை கடந்துள்ளது. அதன் தொடர்ச்சியான லால் சலாம் கலவையான விமர்சனங்களைப் பெற்றது, ஆனால் படத்தில் ரஜினிகாந்தின் மொய்தீன் பாய் கதாபாத்திரம் மிகப்பெரிய வெற்றியைப் பெற்றது.

இந்தப் படங்களைத் தொடர்ந்து த.செ.ஞானவேல் இயக்கத்தில் ரஜினிகாந்த் நடித்துள்ள வேட்டையன் திரைப்படம் பெரும் எதிர்பார்ப்பை ஏற்படுத்தியுள்ளது. இப்படத்தில் நடிகர் ரஜினிகாந்த் போலீஸ் அதிகாரியாக நடிப்பதாகவும், போலி என்கவுன்டருக்கு எதிரான கதையாக இப்படத்தின் கதைக்களம் இருப்பதாகவும் கூறப்படுகிறது. படத்தில் 33 ஆண்டுகளுக்கு பிறகு நடிகர் அமிதாப் பச்சன் ரஜினிகாந்துடன் இணைந்து நடிக்கிறார். மேலும் மஞ்சு வாரியர், ரித்திகா சிங், பகத் பாசில் மற்றும் பலர் இப்படத்தில் முக்கிய கதாபாத்திரங்களில் நடிக்கின்றனர். இப்படத்தைத் தொடர்ந்து நடிகர் ரஜினிகாந்த் ஜூன் மாதம் லோகேஷ் கனகராஜ் இயக்கத்தில் 171 என்ற படத்தில் நடிக்கிறார். முன்னதாக இந்த படத்தின் டைட்டில் ப்ரோமோ (Thalaivar 171 Title Promo) வரும் 22ம் தேதி வெளியாகும் என லோகேஷ் கனகராஜ் அறிவித்தார். இந்த ப்ரோமோவுக்கான படப்பிடிப்பும் தற்போது நிறைவடைந்துள்ளது.