Thani Oruvan 2 : ரவி மோகனின் 'தனி ஒருவன் 2' எப்போது தொடங்கும்? இயக்குநர் கொடுத்த அப்டேட்

சமீபத்தில் நடந்த விருது வழங்கும் விழா ஒன்றில், இதுதொடர்பாக இயக்குநர் மோகன் ராஜாவிடம் கேட்கப்பட்டது. ‘சில நாட்களுக்கு முன்புகூட இதற்கான மீட்டிங்கில் தயாரிப்பாளர் அர்ச்சனா கல்பாத்தியுடன் பேசினேன். அதற்கு அவர் தனி ஒருவன் 2 படத்திற்கான (Thani Oruvan 2) பட்ஜெட் இன்னும் முடிவாகவில்லை. அவர் இந்தக் கதையை கேட்டதும், ’இது சரியான நேரம் இல்லை’ என கூறினார். அதற்கு நான் அவரிடம் நீங்கள் நான் சொன்ன கதையைத்தானே கேட்டீர்கள்? என்றேன். ’இந்தக் கதைக்கு அவ்வளவு செலவாகுமா’ என கேட்டதற்கு அவர் ’இல்லை, நீங்க சாதாரணமான கதை சொல்லவில்லை. தனி ஒருவன் இரண்டாம் பாகத்தின் கதைக்கு பெரிய முதலீடு தேவைப்படுகிறது. மேலும் இது சரியான நேரம் இல்லை. இது கண்டிப்பாக நடக்கும், ஆனால் கொஞ்சம் தமிழ் சினிமா துறையின் நிலை இன்னும் மேம்படட்டும்’ என்றார். நாங்கள் தொடர்ந்து பேசிக் கொண்டுதான் இருக்கிறோம். நாம் நினைத்ததுபோல விரைவில் நடக்குமா என தெரியவில்லை. ஆனால் நிச்சயமாக சரியான நேரத்தில் தனி ஒருவன் 2 வரும் என இயக்குநர் மோகன் ராஜா தெரிவித்துள்ளார்.