Thanjavur Mini Tidel Park : தஞ்சாவூரில் ரூ.27.13 கோடியில் நான்கு தளத்துடன் Mini Tidel Park

தமிழகம் ஆனது தகவல் தொழில்நுட்ப துறையில் தொடர்ந்து வளர்ச்சி அடைந்து வருகிறது. கலைஞர் கருணாநிதி ஆட்சியில் தமிழ்நாடு தொழில் வளர்ச்சி நிறுவனம் மற்றும் Tidel NEO நிறுவனத்துடன் இணைந்து இந்த Tidel Park திட்டம் செயல்படுத்தப்பட்டது. சென்னை தரமணி ராஜீவ் காந்தி சாலையில் 2000ம் ஆண்டில் கலைஞர் கருணாநிதி முதல்வராக இருந்தபோது Tidel Park திறக்கப்பட்டது. IT துறையில் தமிழகம் ஆனது நல்ல வளர்ச்சி அடைகின்ற வகையில் Tidel park நிறுவனம் ஆனது கொண்டு வரப்பட்டது. சென்னை போன்ற பெரு நகரங்களில் மட்டுமே தொடங்கப்பட்ட Tidel Park திட்டம், அதன் பின்னர் தமிழகத்தின் இரண்டாம் மற்றும் மூன்றாம் நிலையில் உள்ள மாவட்டங்களிலும் விரிவுபடுத்தப்பட்டு வருகின்றது.

இந்த விரிவாக்கத்தின் தொடர்ச்சியாக தஞ்சாவூரில் புதிய பேருந்து நிலையம், மேலவஸ்தாசாவடி ரவுண்டானா அருகே டைடல் பூங்கா அமைக்கப்படும் என முதல்வர் ஸ்டாலின் 2023 ஆம் ஆண்டு அறிவித்திருந்தார். அதைத் தொடர்ந்து தஞ்சாவூரில் டைடல் பூங்கா அமைக்கும் பணிகள் முழு வீச்சில் நடைபெற்று தற்போது முடிவடைந்துள்ளன. தஞ்சாவூரில் Tidel Park திட்டம் 3.40 ஏக்கர் பரப்பளவில் 55,000 சதுர அடியில் ரூ.27.13 கோடியில் நான்கு தளங்கள் கொண்டதாக கட்டப்பட்டுள்ளது. இதைப்போலவே தமிழகத்தின் கோவை, திருச்சி மற்றும் மதுரையிலும் பிரமாண்ட ஐடி பூங்காங்கள் அமைக்கப்பட்டு வருகிறது. இவற்றை Tidel Park நிறுவனம், தமிழ்நாடு தொழில் வளர்ச்சி நிறுவனத்துடன் இணைந்து Tidel Neo என்ற சிறப்பு நோக்க நிறுவனம் மூலமாக அமைத்து வருகின்றது.