The Brain-The Story of You புத்தக விமர்சனம்

ரியாலிட்டி என்றால் என்ன ? ரியாலிட்டிக்கும் நம் மூளைக்கும் எந்த அளவிற்கு உறவு இருக்கிறது. ரியாலிட்டி என்பது இந்த மூளை நமக்கு சொல்லிக்கொண்டிருக்கும் கதை. நாம் என்ன நினைக்கிறோம் என்றால் நம் கண்ணால் இந்த உலகத்தை பார்க்கிறோம், காதுகளால் இந்த உலகத்தை கேட்கிறோம், நம்முடைய சருமத்தினால் இந்த உலகத்தை உணர்கிறோம் என்றெல்லாம் நினைக்கிறோம்  ஆனால் உண்மையில் இந்த கண் மற்றும் காது பார்க்கவோ, கேட்கவோ செய்வதில்லை ஒளி மற்றும் ஒலி உணர்வுகளை நம் மூளைக்கு கொண்டு சேர்ப்பது மட்டும்தான் இதன் வேலை. ஆனால் அவற்றை ஆராய்ந்து வெளியில் என்ன நடக்கிறது என்பதை சொல்வது மூளைதான்.

நாம் அன்றாட வாழ்க்கையில் எடுக்கிற ஒவ்வொரு முடிவுகளுமே நாம் கான்ஷியஸாக எடுக்கிறோமா இல்லை அன் கான்ஷியஸாக எடுக்கிறோமா இதை யோசித்தால் நாம் நிறைய முடிவுகளை அன் கான்ஷியஸாகதான் எடுக்கிறோம். நியோராலஜிகள் ஸ்டடி மூலமாக நீங்கள் செய்யும் அன்றாட வேலைகளுக்கு உங்கள் மூளை ஏற்கனவே பழக்கப்பட்டிருக்கும் என்று சொல்லுகிறார்கள்.

விரைவான முடிவுகளுக்கு மூளை கவனம் செலுத்துவதில்லை. அதனால் தான் அவற்றை ஆட்டோ பைலட் மோட் என்று சொல்கிறோம். அதாவது ஒரு குறிப்பிட்ட விஷயத்தை பலமுறை செய்வதன் மூலம் அது தேவையா இல்லையா என்பதை யோசிக்காமல் தானாகவே அந்த செயலை செய்கிறோம். இதெல்லாம்  நம் மூளை எடுக்கும் முடிவு கிடையாது.அந்த நேரங்களில் நம்முடைய செயல் திறன் உணர்ச்சிகளால் தூண்டப்பட்டு செல்வாக்குப்பெறுகிறது. 95 % நியாபக திறன் நம் உடல் இயக்கத்திற்கு உதவி செய்வதால்தான் இதனை சப் கான்ஷியஸ் மெமரி பவர் என்று சொல்கிறோம். 

நீங்கள் உங்கள் மூளையைப் பற்றி தெரிந்துக்கொள்ள வேண்டும் என்று நினைத்தால் அதற்கு நீங்கள் செய்ய வேண்டியது உங்கள் உடலுக்கும், மூளைக்கும் இடையேயுள்ள பரிபாற்றத்தை படித்தால் மட்டுமே தெரியும். ஏனென்றால்  நம் உடலில் உள்ள அனைத்து உறுப்புகளும் மூளையுடன் தான் தொடர்பு கொண்டுள்ளது. அந்த தொடர்பு துண்டிக்கப்பட்டால் நம்மால் கட்டுப்படுத்தவோ, ஒருங்கிணைக்கவோ, உணவுகள், செயல்கள், நினைவுகள் இவை எதையுமே நாம் அனுபவிக்க முடியாது. இந்த உலகத்தில் எவ்வளவோ விஷயங்களை தெரிந்து கொள்ள நினைக்கும்போது அதைவிட சிறந்ததாக இருக்கிற நம் மூளை மற்றும் உடலைப் பற்றி தெரிந்துக் கொள்வது என்பது தகுதியான ஒரு விஷயம் என்று டேவிட் கூறுகிறார்.