மாதம் 8 கோடி வருமானம் ஈட்டும் 'The Chatpata Affair'

5000 சம்பளம் வாங்கிய ஷிஜூ பாபன் இன்று 8 கோடி மாத வருமானம் ஈட்டும் 50 துரித உணவுகடைகளின் சொந்தக்காரர். ‘The Chatpata Affair’ சென்னை நங்கநல்லூர் பகுதி பிரதான சாலையில் உள்ள உணவுக்கடை ஆகும். அந்த ‘The Chatpata Affair’ உணவுக்கடையில் காலை முதல் இரவு வரை சாட், பல்லே சாட், பாப்ரி சாட், பாதாம் பால், ரோல்ஸ், சாண்ட்விச்கள், ஷேக்ஸ் என்று ஃபியூஷன் உணவுகள் உட்பட கிட்டத்தட்ட 200 ஐட்டங்கள் வழங்கப்படுகிறது. இதன் உரிமையாளார் ராஜஸ்தானில் உள்ள சிறிய நகரத்தைச் சேர்ந்த ஷிஜூ பாபன். சத்பட்டாவின் நிறுவுனர் ஷிஜூ பாபன் தனது இளமை பருவத்தில் தாய் தந்தையரை இழந்தவர். இவர் தனது இளமை காலம் முதலே உழைத்து வாழ்ந்து வந்தார்.

1997ல் ஷிஜூ பாபன் டெல்லிக்கு சென்றுள்ளார். டெல்லியில் உள்ள ஒரு பீஸ்ஸா ஹட் நிறுவனத்தில் அவர் வேலைக்கு சேர்ந்து உழைத்து வாழ்ந்தார். பீட்சா ஹட் நிறுவனத்தில் உணவகத்தை சுத்தம் செய்வது முதல் வாடிக்கையாளர்களுக்கு சேவை செய்வது மற்றும் பாத்திரங்களைச் சுத்தம் செய்வது வரை அனைத்தையும் செய்து வந்துள்ளார். ஷிஜூ பாபன் கொஞ்சம் கொஞ்சமாக பீட்சா ஹட் நிறுவனத்தில் தொழிலையும் கற்று வந்துள்ளார். அவரின் மாத வருமானம் வெறும் ரூ.5000 லிருந்து 6000 வரைதான் இருந்தது. இந்த மாத வருமானம்  அவர் தங்கியிருக்கும் இடத்திற்கு வாடகை மின்சாரம் என்று அவருக்கு சரியாக இருந்துள்ளது. ஷிஜூ பாபன் பீட்சா ஹட் நிறுவனத்தில் 20 வருட அனுபவம் பெற்றார்.