-
Gynandromorph Butterfly : பாதி ஆண், பாதி பெண்.. ஒரே உடலில் 2 பாலினம் கொண்ட அதிசய பட்டாம்பூச்சி.! -
Hatsun Founder Success Story : ஹட்சன் அக்ரோ புராடக்ட் லிமிடெட்டின் நிறுவனர் ஆர்.ஜி.சந்திரமோகனின் வெற்றிக் கதை.!
-
IPL 2026 Starts 28th March : மார்ச் 28 முதல் ஐபிஎல் கிரிக்கெட் திருவிழா ஆரம்பம்.. கொண்டாட்டத்தில் ரசிகர்கள்.!
Rhonda Byrne: "தி சீக்ரெட்" புத்தக விமர்சனம் | The Secret Book Review
The Secret Book Review : (தி சீக்ரெட்) ரகசியம், இந்த புத்தகம் நம் வாழ்க்கையையே மாற்ற கூடிய சிறந்த புத்தகம் (low of attraction) ஈர்ப்பு விதி இதனை அடிப்படையாக கொண்டு எழுதப்பட்ட புத்தகம். ஒரு மனிதனின் எண்ணங்கள்தான் அவனுடைய வாழ்க்கையை முழுமையாக மாற்றுகிறது என்ற நம்பிக்கைதான் இந்த புத்தகத்தின் அடித்தளம். 2006 ல் வெளியான சிறந்த புத்தகங்களில் ஒன்று தி சீக்ரெட் இந்த புத்தகம் மொத்தமாக 50 மொழிகளுக்கும் மேல் இந்த மொழிபெயர்க்கப் பட்டுள்ளது. இந்நூலை எழுதியவர் ரோண்டா பிரயன் (Rhonda Byrne).
புத்தகம் உருவான கதை:
ரோண்டா பிரியன் அவர்கள் நம்பிக்கை இல்லாத நிலையில் இருக்கும்போது தன் மகள் ஹெய்லி கொடுத்த நூறு வருஷம் பழமையான புத்தகத்தின் மூலம் வாழ்க்கைக்கான ரகசியத்தை கண்டுபிடித்துள்ளார். யாருக்கெல்லாம் இந்த ரகசியம் தெரிந்திருக்கும் என்று வரலாற்றை தேடிப்பார்க்கும்போது பிளாடோ, நியூட்டன், எடிசன், ஷேக்ஸ்பியர் போன்ற அறிஞர்களுக்கு தெரிந்திருக்கிறது என கண்டறிந்தார். ஏன் இந்த ரகசியம் அனைவருக்கும் தெரியவில்லை என்று ஆச்சரியப்பட்டார். இப்பொழுது இருக்கும் மக்களுக்கு மத்தியில் இந்த ரகசியம் யாருக்காவது தெரிந்திருக்கிறதா என்று தேட ஆரம்பித்தார். அந்த தேடலையே ஒரு படமாக எடுத்து மக்களுக்கு காட்ட விரும்பினார். ஆர்தர் ரோண்டாவின் 55 பேர் கொண்ட குழுக்கள் பல நாடுகளுக்கு சென்று 120 மணி நேரம் கொண்ட ஒரு படத்தை இயக்கி வெளியிடுகின்றனர். இந்த படத்தில் நிறைய மக்கள் ரகசியத்தை பயன்படுத்தி எல்லாவற்றையும் நாங்கள் அடைந்து இருக்கிறோம் என்று தங்களின் அனுபவங்களை பகிர்ந்துள்ளனர். சில குழந்தைகளும் நாங்கள் நிறைய மதிப்பெண்கள் எடுத்திருக்கிறோம், நண்பர்களும் நிறைய கிடைத்துள்ளார்கள் என்று கூறியுள்ளனர். இவற்றை எல்லாம் சேகரித்து தனது வாழ்விலும் ஏற்பட்ட மாற்றங்களை கொண்டு ஈர்ப்பு விதியின் ரகசியத்தை ஒரு புத்தகமாக எழுதுகிறார். இந்த புத்தகம் முழுவதிலும் ரகசியத்தை பற்றியே விளக்கியுள்ளார். இந்த புத்தகத்தில் 24 ஆசான்கள் இடம்பெற்றிருக்கிறார்கள். ரகசியம் பற்றின அவர்களின் கருத்துக்களையும் இந்நூலில் குறிப்பிட்டுள்ளார். இதில் பத்து தொகுதிகள் இடம் பெற்றிருக்கின்றன.
"தி சீக்ரெட்" ஒரு பார்வை
அத்தியாயம் முழுவதும், பிரயன் ஈர்ப்பு விதியின் பின்னால் உள்ள அறிவியலை விளக்குகிறார். எண்ணங்கள் காந்தமானது, நேர்மறை அல்லது எதிர்மறை அதிர்வு எண்ணங்களை வெளியிடுகிறது.பிரபஞ்சத்தில் நீங்கள் அனுப்பும் எண்ணங்கள் பூமராங் போல திரும்புவதற்கு முன்பு அதே ஆற்றல்களை ஈர்க்கும் என்று விளக்குகிறார். உங்கள் வாழ்க்கை இப்போது உங்கள் கடந்த கால எண்ணங்களின் பிரதிபலிப்பாகும். என்று பிரயன் குறிப்பிடுகிறார். பெரும்பாலான மக்கள் எதிர்மறையாக சிந்திக்கிறார்கள் என்பதை உணரவில்லை என்று பிரயன் சுட்டிக்காட்டுகிறார்.
ஈர்ப்பு விதி இயற்கையின் விதி. ஈர்ப்பு விதியைப் புரிந்துகொள்வதன் நன்மை என்னவென்றால், அது எவ்வாறு செயல்படுகிறது என்பதை நீங்கள் அறிந்தவுடன் அதை உங்கள் நன்மைக்காகப் பயன்படுத்தலாம். மோசமான விஷயங்கள் நடக்க ஒரு எதிர்மறை எண்ணத்தை விட அதிகமாக தேவை என்று பிரயன் விளக்குகிறார். ஒரு நாளைக்கு 10 நிமிட தியானத்தைப் பரிந்துரைப்பதன் மூலம் உங்கள் எண்ணங்களைப் பற்றி அறிந்துகொள்வதன் மூலம் நீங்கள் நினைக்கும் முறையை மாற்றத் தொடங்கலாம் என்று அவர் கூறுகிறார்.
ஈர்ப்பு விதி எப்போதும் வேலை செய்கிறது. உங்கள் எண்ணங்களின் மீது உங்களுக்கு கட்டுப்பாடு இல்லை என்றால் நீங்கள் உதவியற்றவர்களாக இருக்கும் சூழ்நிலைகளை நீங்களே ஈர்க்குறீர்கள் . “தந்திரம்” உங்கள் வாழ்க்கையின் மீது உங்களுக்குக் கட்டுப்பாடு உள்ளது என்று பிரபஞ்சத்திற்குச் சொல்வது. நீங்கள் எதிர்மறையாக சிந்திக்கிறீர்களா என்பதைக் கூற பைரன் ஒரு உதவிக்குறிப்பை வழங்குகிறார்.
உங்கள் உடலைக் கேளுங்கள். அதிக கவலை! உங்கள் வயிற்றில் அல்லது மார்பில் அடிக்கடி வலியைக் கொண்டுவருகிறது. இந்த உணர்வுகள் உண்மையில் பிரபஞ்சத்திலிருந்து வந்த செய்தி என்று வாதிடுகிறார். “எச்சரிக்கை! இப்போது சிந்தனையை மாற்றுங்கள். எதிர்மறை அதிர்வெண் பதிவு அதாவது எதிர்மறை எண்ணங்களை மாற்றுகள் என்று சொல்கிறார். இதுதான் (Secret Shifters) “ரகசிய ஷிஃப்டர்ஸ்” என்ற கருத்தை அறிமுகப்படுத்துகிறார். இது உங்கள் மனநிலையை பிரகாசமாக்க உதவும் செயல்களாகும். எனவே நீங்கள் எதிர்மறையில் கவனம் செலுத்தாமல் . ஒரு வேடிக்கையான பாடல் அல்லது நேசிப்பவரைப் பற்றிய சிந்தனை போன்ற உங்களுக்கு ஏற்ற நேர்மறை எண்ணங்களில் கவனம் செலுத்துங்கள் இது துன்ப நேரங்களில் உங்களின் மனநிலையை மாற்ற உதவும் என்று பரிந்துரைக்கிறார்
இந்த உலகத்தில் நாம் எங்கிருந்தாலும் நாம் அனைவரும் ஒரே சக்தியால்தான் இயங்குகின்றோம். அதுதான் ஈர்ப்பு. நம் வாழ்க்கையில் நமக்கு கிடைக்கும் அனைத்தும் நாம் ஈர்ப்பது தான். நம் எண்ணங்களும், நம்பிக்கைகளும், ஆசைகளும் ஒன்று சேர்ந்து நாம் ஆசைப்பட்டதை நம்மிடம் கொண்டுவந்து சேர்க்கும். இந்த உலகத்தில் சக்தி வாய்ந்தது ஈர்ப்பு மட்டும்தான் (attraction). உலகத்தில் வாழ்ந்த ஷேக்ஸ்பியர் மாதிரியான கவிஞர்கள் ஈர்ப்பு விதி(law of attraction) ஐ தங்களின் கவிதைகளில் வெளிப்படுத்தி உள்ளனர் என்று கூறுகிறார். புராணங்களிலும் பதிந்துள்ளது என்கிறார்
மக்களின் ஒட்டுமொத்த வாழ்க்கையையும் ஈர்ப்பு விதிதான் உருவாகியுள்ளது. வாசகர்கள் தங்கள் எண்ணங்களைப் பற்றி எப்போதும் விழிப்புடன் இருக்குமாறு நினைவூட்டுகிறார். பிரபஞ்சம் எந்த கேள்விக்கும் பதிலளிக்க முடியும் என்றும் பைரன் நம்புகிறார். கேள்வி பிரபஞ்சத்தில் வெளியிடப்பட்டதும், பதில் ஒரு கட்டத்தில் வெளிப்படும். இருப்பினும், பதிலை “அறிவதற்கு” விழிப்புணர்வு முக்கியமானது, ஏனெனில் இது செய்தித்தாள் தலைப்பு, கேட்கப்பட்ட உரையாடல் அல்லது திடீர் உத்வேகம் அல்லது மனப் படம் போன்ற பல்வேறு வடிவங்களில் வரலாம்.
பிரியன் “நீல் டொனால்ட் வால்ஷை” மேற்கோள் காட்டுகிறார், கடவுள் நம் வாழ்க்கை நோக்கத்தை முடிவு செய்யவில்லை என்று கூறுகிறார் – அதற்கு பதிலாக அந்த பணி என்ன என்பதை தீர்மானிக்க வேண்டியது நம் கையில் உள்ளது. “உங்கள் வாழ்க்கையின் கரும்பலகையில் நீங்கள் எதை வேண்டுமானாலும் நிரப்பலாம்” என்று பிரியன் கூறுகிறார். எதிர்மறையான விஷயங்கள் அல்லது கடந்த கால நிகழ்வுகள் அதில் எழுதப்பட்டிருந்தால், அதைத் துடைத்துவிட்டு மீண்டும் எழுதலாம். என்று கூறுகிறார். நம் வாழ்க்கையை நம் எண்ணங்களால் நமக்கு தேவையான ஆரோக்கியம், பணம், புகழ், மகிழ்ச்சி மற்றும் நிம்மதி ஆகியவற்றை ஈர்ப்பு விதியின் மூலம் பெற்று கொள்ளலாம் என்று தெளிவாக இந்நூலில் விளக்கியுள்ளார்.
