Thug Life Trailer : கமல்ஹாசன் நடிக்கும் தக் லைஃப் படத்தின் ட்ரெய்லர் வெளியீடு

இந்த படத்தின் ட்ரெய்லர் ஏற்கனவே வெளியாகும் என அறிவிப்பு வெளியான நிலையில், தற்போது படத்தின் ட்ரெய்லர் வெளியாகி சமூக வலைத்தளங்களில் பெரும் வரவேற்பை (Thug Life Trailer) பெற்று வருகிறது. வழக்கம் போல இந்த ட்ரெய்லரை பார்த்த நெட்டிசன்கள் இந்த கதையை கணிக்க ஆரம்பித்துவிட்டனர். இந்த ட்ரெய்லரில் சிறு வயதிலேயே கமல்ஹாசனின் உயிரை சிம்பு காப்பாற்றுகிறார். அதற்காக கமல்ஹாசன் சிம்புவை தனது சொந்த குழந்தையாக வளர்க்கிறார், ஒரு கட்டத்தில் கமல் உள்ளே இருப்பதை நான் பார்த்து கொள்கிறேன், வெளியே அமர் கவனித்துக்கொள்வார் என்று அவர் கூறும்போதுதான் பிரச்சனை தொடங்குகிறது.

கமலின் இடத்தைப் பிடிக்க சிம்பு போராடும்போது, சிம்புவே கமலின் எதிரியாக மாறுகிறார், அவர் வளர்த்த குழந்தையைச் சுற்றி நடக்கும் கதை இது. இந்த கேங் ஸ்டார் சண்டையில் யார் ஜெயிக்கிறார்? என்பதே இந்தப் படத்தின் கதையாக இருக்கும் என்று தெரிகிறது. அதேபோல், நாயகன் பட லுக்கிலும் கமல் வருவதால், இது நாயகன் படக் கதையின் தொடர்ச்சியாக இருக்குமா என்ற சந்தேகம் எழுகிறது. அதேபோல், விக்ரம் படத்தைப் போலவே இந்தப் படமும் கமல்ஹாசனுக்கு மிகப்பெரிய வெற்றியாக அமைய வேண்டும் என்று ரசிகர்கள் விரும்புகிறார்கள்.