Ugadi Festival 2024 : தெலுங்கு வருடப்பிறப்பு வரலாறும், முக்கியத்துவமும்

யுகாதி என்ற சொல் சமஸ்கிருத வார்த்தைகளான யுகா (வயது) மற்றும் ஆதி (ஆரம்பம்) என்பதிலிருந்து உருவானது, அதாவது ஒரு புதிய யுகத்தின் ஆரம்பம் என்பது ஆகும். இந்த பண்டிகையானது சந்திர நாள்காட்டின் படி அனுசரிக்கப்படுகிறது. இது மார்ச் அல்லது ஏப்ரல் மாதத்தில் கொண்டாப்படுகிறது. இந்த நாளில் பிரம்மா பூமியின் பாகங்களை உருவாக்கத் தொடங்கினார் என்று நம்பப்படுகிறது. மொரீஷியஸில் யுகாதி அன்று விடுமுறை. அங்கு இந்துக்கள் அதிக அளவில் வசிப்பதால், யுகாதி விடுமுறை தினமாக கொண்டாடப்படுகிறது.

இந்த நாளில்தான் பிரம்மா உலகைப் படைத்தார் என்று நம்பப்படுகிறது, அன்றிலிருந்து இந்த நாளில் புத்தாண்டு கொண்டாடப்படுகிறது. யுகாதி புதிய சகாப்தத்தை நமக்குக் கொண்டு வருகிறது, மேலும் வசந்த காலத்தின் தொடக்கத்தையும் புதிய ஆண்டின் தொடக்கத்தையும் அன்பானவர்களுடன் கொண்டாடுகிறோம். யுகாதி அன்று வேப்ப இலை, உப்பு, மாங்காய், புளி மற்றும் இனிப்பு கொண்டு உணவு செய்யப்படுகிறது. திருவிழா அன்று காலையில் எண்ணெய் தேய்த்து குளித்துவிட்டு பூஜை செய்வார்கள். வேப்ப இலைகளால் செய்யப்பட்ட பிரசாதத்தை சாப்பிட்ட பிறகு, மற்ற இனிப்புகளை பகிர்ந்து கொள்ளலாம்.

பச்சடி என்று அழைக்கப்படும் ஒரு சிறப்பு உணவு ஒவ்வொரு வீட்டிலும் தயாரிக்கப்பட்டு அனைவரும் ருசிக்கிறார்கள். பச்சடி என்பது இனிப்பு, காரம், கசப்பு மற்றும் புளிப்பு ஆகிய அனைத்து சுவைகளையும் உள்ளடக்கிய ஒரு முக்கிய யுகாதி உணவாகும். புத்தாண்டில் அனைத்து விஷயங்களையும் அனுபவித்து, முழுமையாக அரவணைத்து வாழ, ஒரு சமமான மனநிலையை உருவாக்க மக்களுக்கு நினைவூட்டும் அடையாளமாக இது உள்ளது. புத்தாண்டுக்கு சிலர் தங்கள் வீட்டிற்கு வெள்ளை வண்ணம் பூசுவார்கள். மேலும், வீட்டின் வாயிலில் ரங்கோலி வரையப்படும். வீட்டைச் சுற்றி அலங்கரிக்க மா இலைகள் பயன்படுத்தப்படுகின்றன. புத்தாண்டின் தொடக்கமாக கொண்டாடப்படும் யுகாதி அன்று தொடங்கப்பட்ட புதிய முயற்சிகள் வெற்றியடையும் என நம்பப்படுகிறது.