Umran Malik : இந்திய அணியில் முக்கிய வீரருக்கு காயம்...

இந்திய அணி தற்போது ஆசிய கோப்பை கிரிக்கெட் தொடரில் விளையாடி வருகிறது. சூப்பர் ஃபோர் சுற்றில் பாகிஸ்தான் மற்றும் இலங்கையை வீழ்த்தி இந்தியா தற்போது இறுதிச் சுற்றுக்கு தகுதி பெற்றுள்ளது. இந்தத் தொடரைத் தொடர்ந்து ஆஸ்திரேலியாவுக்கு எதிரான 3 போட்டிகள் கொண்ட ஒருநாள் தொடரையும் தொடர்ந்து உலகக் கோப்பைக்கான பயிற்சி ஆட்டமும் நடைபெறவுள்ளது.

அதன் பிறகு அக்டோபர் ஐந்தாம் தேதி உலக கோப்பை கிரிக்கெட் தொடர் நடைபெறவுள்ளது. அதே நேரத்தில் ஆசிய விளையாட்டுப் போட்டிகள் சீனாவில் நடைபெற்று வருகிறது. இந்த தொடரில் கிரிக்கெட்டுக்கும் இடம் கிடைத்துள்ளது. இதன் காரணமாக இந்திய அணி தங்களது இரண்டாம் நிலை வீரர்களை தொடருக்கு அனுப்பியுள்ளது. இதில் கேப்டனாக ருதுராஜ் கெய்க்வாட் செயல்படுவார்.

தலைமை பயிற்சியாளராக லட்சுமணன் செயல்பட உள்ளார். இந்திய அணியின் முக்கிய வீரரான சிவம் மாவி காயம் அடைந்துள்ளார். இதனால் அவர் ஆசிய விளையாட்டுப் போட்டிகளில் பங்கேற்க முடியாத நிலை ஏற்பட்டுள்ளது. இந்நிலையில் அவருக்கு பதிலாக காஷ்மீரை சேர்ந்த வேகப்பந்து வீச்சாளர் உம்ரான் மாலிக்கை (Umran Malik) களமிறக்க இந்திய அணி முடிவு செய்துள்ளது. முதலில் இந்தப் பதவிக்கு யாஷ் தாக்கூரை நியமிக்க தேர்வுக் குழு முடிவு செய்திருந்தது.