Urjit Patel Appointed As IMF Executive Director : சர்வதேச நாணய நிதியத்தின் நிர்வாக இயக்குநராக உர்ஜித் படேல் நியமனம்

ஆர்பிஐ-யின் முன்னாள் ஆளுநர் டாக்டர் உர்ஜித் படேல், சர்வதேச நாணய நிதியத்தின் (IMF) நிர்வாக இயக்குநராக 3 ஆண்டு காலத்திற்கு நியமிக்கப்பட்டுள்ளதாக பணியாளர் அமைச்சகம் (Urjit Patel Appointed As IMF Executive Director) தெரிவித்துள்ளது. மேலும் அவர் அமெரிக்காவில் வாஷிங்டனில் அமைந்துள்ள உலகளாவிய நிதி நிறுவனத்தில் பூட்டான், பங்களாதேஷ் மற்றும் இலங்கை உள்ளிட்ட அண்டை நாடுகளுடன் இணைந்து இந்தியாவையும் பிரதிநிதித்துவப்படுத்துவார் எனவும் தெரிவிக்கப்பட்டுள்ளது. மேலும் மேக்ரோ பொருளாதாரம் மற்றும் பணவியல் கொள்கை நிபுணத்துவத்திற்காக உர்ஜித் படேல் போற்றப்படுகிறார். உலகளாவிய பொருளாதார நிச்சயமற்ற தன்மை மற்றும் அதிகரிக்கும் கடன் பாதிப்புகள் மற்றும் வர்த்தக இயக்கவியல் போன்றவை முற்றிலும் மாறிவரும் நிலையில், டாக்டர் உர்ஜித் படேலின் நியமனம் பெரிய மாற்றத்தைத் தரும் என எதிர்பார்க்கப்படுகிறது. 

லண்டன் ஸ்கூல் ஆஃப் எகனாமிக்ஸில் பொருளாதாரத்தில் B.Sc, ஆக்ஸ்போர்டு பல்கலைக்கழகத்தில் M.Phil., மற்றும் யேல் பல்கலைக்கழகத்தில் பொருளாதாரத்தில் Ph.D. ஆகியவற்றை முடித்துள்ள டாக்டர் உர்ஜித் படேல் 1990களில் சர்வதேச நாணய நிதியத்தில் இந்தியாவின் சார்பில் பணியாற்றியுள்ளார். மேலும் அவர் ஆசிய உள்கட்டமைப்பு முதலீட்டு வங்கியின் (Asian Infrastructure Investment Bank) துணைத் தலைவராகவும், புரூக்கிங்ஸ் நிறுவனத்தில் மூத்த உறுப்பினராகவும், தேசிய பொது நிதி மற்றும் கொள்கை நிறுவனத்தின் தலைவராகவும், பணியாற்றியுள்ளார்.