Vaa Vaathiyaar Release Date: கார்த்தியின் 'வா வாத்தியார்' படத்தின் ரிலீஸ் தேதி அறிவிப்பு..!

ஸ்டூடியோ க்ரீன் நிறுவனத்தின் தயாரிப்பில் நலன் குமாரசாமி இயக்கத்தில், சந்தோஷ் நாராயணன் இசையில் தமிழ் சினிமாவின் முன்னணி நடிகரான கார்த்தி, க்ரித்தி ஷெட்டி, சத்யராஜ், கருணாகரன், ஆனந்த்ராஜ்  உள்ளிட்ட பலர் நடிப்பில் உருவாகி வந்த படம் ‘வா வாத்தியார்’. இப்படத்தின் படப்பிடிப்பு நீண்ட நாட்களாக நடைபெற்று வந்த நிலையில், படம் எப்போது வெளியாகும் என்பது தெரியாமல் இருந்தது. இந்நிலையில் படம் வரும் டிசம்பர் 5-ம் தேதி வெளியாகும் என்று படக்குழு தற்போது அதிகாரப்பூர்வமாக (Vaa Vaathiyaar Release Date) அறிவித்துள்ளதால் கார்த்தியின் ரசிகர்கள் உற்சாகமாக இருக்கிறார்கள்.

விஜய் சேதுபதி நடிப்பில் ‘சூது கவ்வும்’ படத்தின் மூலம் தமிழ் சினிமாவில் மிகப்பெரிய வரவேற்பை பெற்றவர் இயக்குநர் நலன் குமாரசாமி. அவர்  இப்படத்தை தொடர்ந்து X: Past Is Present என்ற படத்தில் கோடை விடுமுறை (Summer Holiday) என்ற பகுதியையும், ‘காதலும் கடந்துபோகும்’ படத்தையும், குட்டி ஸ்டோரி அந்தாலஜியில் ‘ஆடல் பாடல்’ குறும்படத்தையும் இயக்கினார். அதன் பிறகு நலன் இரண்டு ஹீரோ இணைந்து நடிக்கும் படம் ஒன்றை இயக்குவார் என சொல்லப்பட்டது. ஆனால் 2023-ல் கார்த்தி – நலன் கூட்டணியில் வா வாத்தியார் படம் உருவாகும் என அறிவிக்கப்பட்டு 2023 மார்ச் மாதம் இப்படத்தின் படப்பிடிப்பு துவங்கியது. இதில் புரட்சி தலைவர் எம் ஜி ஆரின் தாக்கம் அதிகம் உள்ள நபராக கார்த்தி நடித்துள்ளார் என சொல்லப்படுகிறது. சில பணச் சிக்கல்களால்  படப்பிடிப்பில் தாமதம் ஏற்பட்டு மெதுவாகவே படம் உருவானதாக சொல்லப்படுகிறது.