Vaa Vaathiyaar Release Issue : கார்த்தியின் ‘வா வாத்தியார்’ திரைப்படத்தை வெளியிட ஐகோர்ட் தடை!

இந்த நிலையில், கடந்த வாரம் இந்த மனு மீண்டும் விசாரணைக்கு வந்தது. அச்சமயத்தில் ஞானவேல் ராஜாவுக்கு கடனை திருப்பி அளிக்க நீதிமன்றம் பலமுறை வாய்ப்பளித்தும் ஞானவேல் ராஜா கடனை திருப்பி அளிக்கவில்லை. எனவே அவரது சொத்துகளை நீதிமன்றம் முடக்க வேண்டுமென சொத்து ஆட்சியர் சார்பில் ஆஜரான வழக்கறிஞர் வாதிட்டார். அதற்கு ஞானவேல் ராஜா சார்பில் ஆஜரான மூத்த வழக்கறிஞர் தற்போது ஞானவேல் ராஜா 3 கோடியே 75 லட்சம் ரூபாயை 24 மணி நேரத்தில் செலுத்துவார் என்றும் மீதமுள்ள தொகைக்கான சொத்து ஆவணங்களை ஞானவேல் ராஜா தாக்கல் செய்யத் தயாராக இருப்பதாகவும் கூறினார். மீண்டும் விசாரணையை மேற்கொண்ட நீதிபதிகள் கடன் தொகையில் குறிப்பிட்ட தொகையை செலுத்தினால் மட்டுமே படத்தின் மீதான தடையை நீக்க முடியும் என்று எச்சரிக்கை விடுத்தனர். ஆனால் ஞானவேல் ராஜா தரப்பில் ஆஜரான வழக்கறிஞர் ரூ3 கோடியே 75 லட்சம் மட்டும் செலுத்த முடியும் என்றும், மேலும் படத்தை தற்போது வெளியிடவில்லை என்றால் மிகப்பெரிய நஷ்டம் ஏற்படும் என்று வாதிட்டார்.