Vasanth & Co Retail Success Story : நடுத்தர வர்க்க கனவுகளை தவணைகளில் நிறைவேற்றிய வசந்த் & கோ-வின் வெற்றி பயணம்

வசந்த் & கோ நிறுவனத்தின் நிறுவனரான வசந்தகுமார் கன்னியாகுமாரி மாவட்டத்தில் உள்ள அகஸ்தீஸ்வரத்தில் ஏப்ரல் 14, 1950 அன்று ஹரிகிருஷ்ணன் நாடார் மற்றும் தங்கம்மாள் ஆகியோருக்கு மகனாகப் பிறந்தவர். தமிழில் பட்டப்படிப்பு மற்றும் முதுகலைப் பட்டம் பெற்றவர். 8 ஆண்டுகள் VGP-யில் விற்பனையாளராக வேலை செய்த பிறகு 1978-ல் வேலையை விட்டு விலகினார். கையில் பணம் இல்லை. VGP-யின் வாடிக்கையாளர்கள் நிறையபேர் நண்பர்களாக இருந்தனர். அதில் தேனாம்பேட்டையைச் சேர்ந்த வாடிக்கையாளர் திரு.பக்தவத்சலம் அவர்கள் 22 ரூபாயை மூலதனமாக (Vasanth & Co Retail Success Story) வழங்கினார். ஒரு வாடிக்கையாளர் ஆறு மாதங்களில் வசந்தகுமார் தனக்கு ரூ.8,000 தர வேண்டும் என்ற நிபந்தனையுடன் தனது சிறிய மளிகைக் கடையை வழங்கினார். வசந்தகுமார் அந்த சிறிய மளிகைக் கடையை வீட்டு உபயோகப் பொருட்கள் மற்றும் மின்னணுப் பொருட்களை விற்கும் கடையாக மாற்றினார். இன்று, அது மிகப்பெரிய சில்லறை விற்பனை நிறுவனமாக உருவெடுத்துள்ளது.

இங்கு எந்தவொரு பொருளுக்கும் பாதி பணம் செலுத்தப்படும் வரை வாடிக்கையாளர்கள் ஒவ்வொரு மாதமும் ஒரு நிலையான தொகையை வசந்த் & கோ-க்குச் செலுத்தும் திட்டம் செயல் படுத்தப்பட்டது. எந்தவொரு பொருளுக்கும் பாதி பணம் செலுத்திய பின்னர் அந்தப் பொருள் வாடிக்கையாளருக்கு விற்கப்பட்டது. அதன் பிறகு, வாடிக்கையாளர்கள் மீதமுள்ள தொகையை அதே தவணை முறைகளில் செலுத்த அனுமதிக்கப்பட்டது. இது மக்கள் அவர்கள் விரும்பும் ஒரு பொருளை வாங்க அவர்களை ஊக்குவிக்கும் சிறந்த வணிக மாதிரியாக அமைந்தது. இந்த திட்டம் குறிப்பாக குறைந்த வருமானம் கொண்ட மக்களிடையே மிகுந்த வரவேற்பைப் (Vasanth & Co Retail Success Story) பெற்றது. மிக்சிகள், கிரைண்டர்கள் மற்றும் வீட்டு உபகரண பொருள்கள் நல்ல விற்பனையை பெற்றன. ஏழை மற்றும் நடுத்தர மக்களின் TV பெட்டிகள், மிக்ஸிகள், கிரைண்டர்கள், Washing Machines மற்றும் AC-களை வைத்திருக்க வேண்டும் என்ற கனவுகள் நிறைவேறின.