விஜய் சேதுபதி, சூரி நடிப்பில் உருவாகியுள்ள விடுதலை படத்தின் இரண்டாம் பாகம் (Viduthalai 2 Release) நாளை உலகம் முழுவதும் வெளியாக உள்ளது.
விடுதலை
தமிழ் திரையுலகில் முன்னணி இயக்குநராக இருப்பவர் வெற்றி மாறன். பொல்லாதவன் படத்தின் மூலம் இயக்குநராக அறிமுகமான இவர் தொடர்ந்து ஆடுகளம், விசாரணை, வட சென்னை, அசுரன் என தன்னுடைய அடுத்தடுத்த படங்களின் மூலம் தமிழ் சினிமாவின் தவிர்க்க முடியாத இயக்குநராக வளர்ந்துள்ளார். இவரது இயக்கத்தில் கடந்த 2022 ஆம் ஆண்டு வெளியான திரைப்படம் விடுதலை (Viduthalai 2 Release) ஆகும். சூரி கதாநாயகனாக நடித்த இந்த படம் மிகப்பெரிய வெற்றியை பெற்றது. இப்படத்தில் முக்கிய வேடத்தில் விஜய் சேதுபதி நடித்திருந்தார்.
விடுதலை 2 நாளை ரிலீஸ் (Viduthalai 2 Release)
முதல் பாகம் முடிவடையும் போதே இரண்டாம் பாகத்திற்கான அறிவிப்புடன் முடிந்திருக்கும். இப்படத்தின் டீசர் ஏற்கனவே வெளியாகி பெரும் எதிர்பார்ப்பை ஏற்படுத்தியுள்ளது. ரசிகர்கள் வட்டாரத்தில் மிகப்பெரிய எதிர்பார்ப்பை ஏற்படுத்திய இந்த படம் நாளை (20/12/2024) உலகம் முழுவதும் (Viduthalai 2 Release) வெளியாகிறது. முதல் பாகம் சூரியை மையமாக வைத்து எடுக்கப்பட்ட நிலையில், இரண்டாம் பாகம் விஜய் சேதுபதியை மையமாக வைத்து எடுக்கப்பட்டிருக்கும் என்று எதிர்பார்க்கப்படுகிறது.
உரிமைக்காக போராடும் இந்தப் படத்தில் விஜய் சேதுபதி போராளியாக பெருமாள் வாத்தியார் வேடத்தில் நடிக்கிறார். அவருக்கு ஜோடியாக மஞ்சு வாரியர் நடித்துள்ளார். வெற்றி மாறன் இயக்கத்தில் அசுரன் படத்தில் பணியாற்றிய பிறகு, வெற்றி மாறன் இயக்கத்தில் மஞ்சு வாரியர் நடிக்கும் இரண்டாவது படம் இதுவாகும். மக்களின் உரிமைக்காகப் போராடும் விஜய் சேதுபதி குழுவினருக்கும், காவல்துறைக்கும் இடையே நடக்கும் மோதல்தான் படத்தின் கதைக்களமாகும். இப்படத்தில் சூரி, விஜய் சேதுபதி, மஞ்சு வாரியர், கௌதம் மேனன், அனுராக் காஷ்யப், ராஜீவ் மேனன் ஆகியோர் முக்கிய வேடங்களில் நடித்துள்ளனர். இந்த படத்திற்கு இளையராஜா இசையமைத்துள்ளார். வேல்ராஜ் ஒளிப்பதிவு செய்துள்ளார். ஜெயமோகன் எழுதிய துணிவன் நாவலைத் தழுவி எடுக்கப்பட்ட படமாகும்.
ரசிகர்களின் எதிர்பார்ப்பு
விடுதலை படத்தின் முதல் பாகத்தில் போலீஸ் அதிகாரியாக நடித்த சேத்தன் பெரும் வரவேற்பை பெற்றது. இரண்டாம் பாகத்திலும் அவருக்கு முக்கியமான காட்சிகள் இருக்கும் என எதிர்பார்க்கப்படுகிறது. 2024 ஆம் ஆண்டு முடிவடையும் நிலையில் தமிழில் வெளியாகும் மிக முக்கியமான படமாக விடுதலை 2 (Viduthalai 2 Release) அமைந்துள்ளது. பெரிதும் எதிர்பார்க்கப்பட்ட தமிழ் படங்களான கங்குவா, இந்தியன் 2, வேட்டையன் ஆகிய படங்கள் இந்த ஆண்டு எதிர்பார்த்த வெற்றியைப் பெறாத நிலையில், 2024 ஆம் ஆண்டை கோலிவுட் வெற்றியுடன் முடிக்குமா என்று தமிழ் ரசிகர்கள் ஆவலுடன் காத்திருக்கின்றனர்.
