Viduthalai 2 Trailer : விடுதலை 2 படத்தின் ட்ரெய்லர் வெளியீடு

தமிழ் சினிமாவில் தொடர் வெற்றி படங்கள் மூலம் தனக்கென ஒரு தனி முத்திரையை பதித்தவர் வெற்றிமாறன். ஆடுகளம், பொல்லாதவன், அசுரன், விசாரணை, வடசென்னை போன்ற வித்தியாசமான கதைக்களங்களை கையாண்டு கமர்ஷியல் வெற்றியையும் கொடுத்துள்ளார்.

வெற்றிமாறன் இயக்கத்தில் சூரி ஹீரோவாக அறிமுகமான விடுதலை திரைப்படம் (Viduthalai 2 Trailer) கடந்த 2023 ஆம் ஆண்டு வெளியானது. காமெடி நடிகனாக நடித்து வந்த சூரி தன்னை ஒரு உணர்வுபூர்வமான நடிகராகவும் அடையாளப்படுத்திக் கொண்டார். விஜய் சேதுபதி இந்த படத்தில் வாத்தியார் கதாபாத்திரத்தில் நடித்து ஒரு சிறப்பான நடிப்பை வெளிப்படுத்தினார். உண்மை சம்பவங்களை மையப்படுத்தி படமாக்கப்பட்டு வெளிவந்த விடுதலை திரைப்படம் தமிழ் சினிமாவில் பெரும் அரசியல் விவாதப் பொருளாக மாறியது. அதுமட்டுமல்லாமல் இந்த விடுதலை திரைப்படம் வெற்றிமாறனின் சினிமா பயணத்தில் ஒரு மைல் கல்லாக கருதப்படுகிறது. மிகக் குறைவான பட்ஜெட்டில் திட்டமிடப்பட்ட இப்படம் எதிர்பார்ப்புகளை மீறி இரண்டு பாகங்களாக விரிவடைந்தது.