Vijay Makkal Iyakkam Political Meeting : விஜய் மக்கள் இயக்க நிர்வாகிகளுடன் திடீர் ஆலோசனை கூட்டம்

வரும் நாடாளுமன்ற தேர்தலில் விஜய் அரசியல் களம் காண்பார் என கூறப்பட்டு வந்த நிலையில், கிட்டத்தட்ட 150 நிர்வாகிகள் பங்கேற்ற விஜய் மக்கள் இயக்கத்தின் ஆலோசனை கூட்டம் (Vijay Makkal Iyakkam Political Meeting) பனையூரில் இன்று நடைபெற்றது. இந்த ஆலோசனை கூட்டத்தில் சென்னை, திருச்சி, கோவை, மதுரை உள்ளிட்ட பல மாவட்டங்களை சேர்ந்த நிர்வாகிகள் பங்கேற்கின்றனர். இதுவரை நேரடி அரசியல் கருத்துகளை கூறாத தளபதி விஜய், இந்த ஆலோசனை கூட்டத்தில் பல நேரடி அரசியல் கருத்துக்களை கூறியதாகவும் சில தகவல்களை வெளியாகியுள்ளது. மேலும் சமீபத்தில் தூத்துக்குடி மற்றும் திருநெல்வேலி மாவட்டங்களில் ஏற்பட்ட வெள்ள பாதிப்பிற்கு விஜய் மக்கள் இயக்கம் வழங்கிய நலத்திட்ட உதவிகளையும் விஜய் பாராட்டினாராம். இந்த ஆலோசனை கூட்டத்தில் பல முக்கிய முடிவுகள் எடுக்கப்பட்டன.

வரும் நாடாளுமன்றத் தேர்தலில் நேரடியாகப் போட்டியிடுவதா அல்லது ஏதேனும் கட்சிக்கு ஆதரவளிப்பதா என்பது குறித்தும் ஆலோசனை நடத்தப்பட்டுள்ளது. மேலும் ஒவ்வொரு மாவட்டத்திலும் இருக்கக்கூடிய அடிமட்ட தொண்டர்களுக்கு பொறுப்பு வழங்கவும், விஜய் மக்கள் இயக்கத்திற்கு நிர்வாகிகள் மற்றும் பூத் கமிட்டியை உயர்த்தவும் விஜய் கூறியுள்ளார். தற்போது நாடாளுமன்ற தேர்தலில் தேசிய கட்சிகளும், மாநில கட்சிகளும் பல விஷயங்களை முன்னிறுத்தி வரும் இந்த வேலையில் தளபதி விஜய்யின் இந்த ஆலோசனை கூட்டம் (Vijay Makkal Iyakkam Political Meeting) அரசியல் வட்டாரத்தில் பெரும் கவனத்தை ஈர்த்துள்ளது. தளபதி விஜய் நாடாளுமன்ற தேர்தலில் தனித்து போட்டியிடுவாரா அல்லது ஏதேனும் ஒரு கட்சிக்கு ஆதரவளிப்பாரா என்பதை பொறுத்திருந்து பார்க்கலாம்.