Vijay Met Premalatha : பிரேமலதாவை சந்தித்த விஜய் - கோட் படம் குறித்து பேச்சுவார்த்தை

இதற்கிடையில், இந்த படத்தில் மறைந்த கேப்டன் விஜயகாந்த் கேமியோ ரோலில் நடித்துள்ளார். AI தொழில்நுட்பம் மூலம் இப்படத்தில் இவரை படக்குழுவினர் நடிக்க வைத்துள்ளதாக கூறப்படுகிறது. இப்படத்தில் அவர் இரண்டு நிமிடங்கள் தோன்றுவார் என்றும் தகவல்கள் தெரிவிக்கின்றன. இந்நிலையில் கடந்த சில வாரங்களுக்கு முன்பு அவரது மனைவியும், தேமுதிக தலைவருமான பிரேமலதா விஜயகாந்த் கோட் படத்தில் நடித்தது குறித்து கேள்வி எழுப்பியிருந்தார்.

இந்நிலையில் விஜய், வெங்கட் பிரபு, அர்ச்சனா கல்பாத்தி ஆகியோர் நேற்று பிரேமலதா விஜயகாந்தை நேரில் சந்தித்தனர். இந்த சந்திப்பின் போது பிரேமலதா விஜயகாந்துக்கு நடிகர் விஜய் மலர்கொத்து கொடுத்து வாழ்த்து தெரிவித்தார். விஜயகாந்தின் உருவப்படத்துக்கும் விஜய் மரியாதை செலுத்தியுள்ளார். இந்த சந்திப்பின் போது விஜயகாந்தின் மகன்களும் உடனிருந்த நிலையில், கோட் படத்தில் விஜயகாந்த் நடித்த காட்சிகளை காட்டி கோட் படக்குழு ஆலோசனை மேற்கொண்டதாக கூறப்படுகிறது.