Vikram Tamil Remake Of Margo : மார்கோ படத்தின் தமிழ் ரீமேக்கில் நடிக்கும் சியான் விக்ரம்

மலையாள நடிகர் உன்னி முகுந்தன் நடித்து கடந்த டிசம்பர் 20 ஆம் தேதி வெளியான திரைப்படம் மார்கோ. சமீப காலமாக ஆக்சன்,  த்ரில்லர் படங்களுக்கு ரசிகர்கள் மத்தியில் அமோக வரவேற்பு கிடைத்து வருகிறது. கன்னடத்தில் KGF, சலார் போன்ற படங்கள் பான் இந்திய அளவில் வரவேற்பைப் பெற்றுள்ளன. அதேபோல் தமிழில் லியோ போன்ற படங்களும் அதிக கவனம் பெற்றுள்ளது. தற்போது மலையாளத் திரையுலகில் ஆக்‌ஷன் படங்கள் அதிகளவில் வெளியாக தொடங்கியுள்ளன. அந்த வகையில் மார்கோ திரைப்படம் மலையாள ரசிகர்கள் (Vikram Tamil Remake Of Margo) மட்டுமின்றி இந்திய அளவில் பரவலான ரசிகர்களையும் சென்றடைந்துள்ளது. தற்போது இப்படத்தை இந்தியில் ரீமேக் செய்வதற்கான பேச்சு வார்த்தை தொடங்கியுள்ளது. மேலும் இப்படத்தின் தமிழ் ரீமேக்கில் சியான் விக்ரம் நடிக்கவுள்ளதாக தகவல் வெளியாகியுள்ளது. முழுக்க முழுக்க ஆக்‌ஷன் த்ரில்லரில் விக்ரமை பார்க்க நீண்ட நாட்களாக காத்திருந்த ரசிகர்களுக்கு இந்தத் தகவல் உற்சாகத்தை அளித்துள்ளது.