West Indies Victory : வெஸ்ட் இண்டீஸ் அணி வரலாற்று வெற்றி

ஆஸ்திரேலியா-வெஸ்ட் இண்டீஸ் அணிகளுக்கு இடையிலான 2-வது டெஸ்ட் போட்டி காபா மைதானத்தில் நடைபெற்றது. ஆஸ்திரேலியா பகலிரவு டெஸ்ட் போட்டியிலும் தோல்வி அடையாததால் கங்காரு ரசிகர்கள் மிகுந்த உற்சாகத்தில் இருந்தனர். ஏனெனில் ஆஸ்திரேலியாவுக்கு 216 ரன்கள் வெற்றி இலக்காக நிர்ணயிக்கப்பட்டது. 4-வது நாள் ஆட்டத்தின் தொடக்கத்தில் ஆஸ்திரேலிய அணி விக்கெட் இழப்பின்றி 13 ரன்களுடன் களம் இறங்கியது. 113 ரன்களுக்கு 2 விக்கெட்டுகளை இழந்து ஆஸ்திரேலிய அணி களமிறங்கிய நிலையில், வெஸ்ட் இண்டீஸ் அணியின் ஷமர் ஜோசப் வந்து ஆட்டத்தையே மாற்றினார். ஒரு முனையில் ஸ்டீவ் ஸ்மித் வெற்றி பெற முடியாமல் தவித்தாலும், மறுமுனையில் அடுத்தடுத்து விக்கெட்டுகள் வீழ்ந்தன.

இதன் மூலம் வெஸ்ட் இண்டீஸ் அணி ஆஸ்திரேலிய மண்ணில் 27 ஆண்டுகளுக்கு பிறகு அபார வெற்றி (West Indies Victory) பெற்றது. அதுமட்டுமல்லாமல் இந்திய அணிக்கு பிறகு மீண்டும் காபா மைதானத்தின் கோட்டையை வெஸ்ட் இண்டீஸ் அணி தகர்த்துள்ளது. காபா மைதானத்தில் ஆஸ்திரேலியா தோல்வியை தழுவுவது இது 3வது முறையாகும். 1988ல் காபா மைதானத்தில் ஆஸ்திரேலியாவை வெஸ்ட் இண்டீஸ் முதன்முறையாக வீழ்த்தியது. பின்னர் 2021ல் ரிஷப் பந்தின் அட்டகாசமான ஆட்டத்தால் இந்திய அணி ஆஸ்திரேலிய அணியை வீழ்த்தியது. இதனையடுத்து மேற்கிந்திய தீவுகள் அணி சாதனை வெற்றியை பதிவு செய்துள்ளது.

ஜாம்பவான் பிரையன் லாரா : வெற்றியின் போது ஜாம்பவான் பிரையன் லாரா வர்ணனை செய்து கொண்டிருந்த போது, ​​வெஸ்ட் இண்டீஸின் வெற்றியைக் கண்டு (West Indies Victory) ஆனந்த கண்ணீர் விட்டார். அருகில் நின்றிருந்த ஆஸ்திரேலிய ஜாம்பவான் கில்கிறிஸ்ட், லாராவை கட்டிப்பிடித்து மகிழ்ச்சியை வெளிப்படுத்தினார். இந்த வீடியோ சமூக வலைதளங்களில் ட்ரெண்டாகி வருகிறது.