Women's World Cup Final : தென்னாப்பிரிக்காவை வீழ்த்தி மகுடம் சூடியது இந்திய அணி..!

இந்திய மகளிர் அணிக்கு 2017 ஆம் ஆண்டுக்கு பிறகு தற்போது (Women’s World Cup Final) இறுதி சுற்றில் பங்கு பெறும் வாய்ப்பு கிடைத்தது. இதுவரை 34 முறை இந்திய மகளிர் அணியும் தென்னாப்பிரிக்க மகளிர் அணியும் சர்வதேச ஒரு நாள் கிரிக்கெட் போட்டியில் மோதி உள்ளன. இதில் தென்னாப்பிரிக்க மகளிர் அணி 13 முறையும், இந்திய மகளிர் அணி 20 முறையும் வெற்றி பெற்றுள்ளன. மழை காரணமாக ஒரு போட்டி ரத்தானது. 2005, 2017 ஆம் ஆண்டு இறுதிப் போட்டிகளில் சாம்பியன் பட்டத்தை தவறவிட்ட இந்திய மகளிர் அணி இந்த முறை வெற்றியை பெற்றது. இந்திய அணி தென் ஆப்பிரிக்க அணியை 52 ரன்கள் வித்தியாசத்தில் வீழ்த்தி சாம்பியன் பட்டத்தை கைப்பற்றியது.

இந்த வெற்றியின் மூலம் ஆஸ்திரேலியா, இங்கிலாந்து, நியூசிலாந்து அணிகளைத் தொடர்ந்து இந்திய அணி மகளிர் உலகக்கோப்பையை வென்ற அணியாக அமைந்துள்ளது. மகளிர் உலகக்கோப்பை வரலாற்றில் இதுவரை கோப்பையை வெல்லாத அணி முதல் முறையாக சாம்பியன் பட்டத்தை கைப்பற்றி வரலாறு படைத்துள்ளது.