Women's World Cup : மகளிர் உலகக் கோப்பை.. முதல் போட்டியில் இலங்கையை வீழ்த்தி இந்தியா வெற்றி..!

மகளிர் உலகக் கோப்பை அட்டவணையின்படி, அசாம் மாநிலம் கவுகாத்தியில் இந்தியா மற்றும் இலங்கை அணிகள் நேற்று பலப்பரீட்சை நடத்தின. இதில் டாஸ் வென்ற இலங்கை அணியின் கேப்டன் சமாரி அட்டப்பட்டு முதலில் பந்து வீச்சை தேர்வு செய்தார். இந்திய அணியின் தொடக்க வீராங்கனை மந்தனா 8 ரன்னில் ஆட்டமிழந்து (Women’s World Cup) அதிர்ச்சியளித்தார். 10 ஓவர்கள் முடிந்த நிலையில், ஆட்டத்தின் இடையில் மழை குறுக்கிட்டதால், ஆட்டம் 47 ஓவருக்கு  மாற்றப்பட்டது. மழைக்கு பிறகு பொறுப்புடன் விளையாடிய பிரதிகா 37 ரன்னிலும், ஹர்லீன் தியோல் 48 ரன்னிலும் ஆட்டமிழந்தனர். இவரை தொடர்ந்து வந்த ஜெமீமா ரோட்ரிகஸ் 0 ரன்னிலும், கேப்டன் ஹர்மன்பிரீத் கவுர் 21, ரிச்சா கோஷ் 2 ரன் என சீரான இடைவெளியில் விக்கெட்டுகளை பறிகொடுத்த நிலையில், பின்னர் தீப்தி சர்மா மற்றும் அமன்ஜோத் கவுர் ஜோடி சேர்ந்து 99 பந்துகளில் 103 ரன் குவித்து வலுவான நிலையில் இருந்தபோது அமன்ஜோத் 57 ரன்னில் ஆட்டமிழந்தார். 47 ஓவர் முடிவில் இந்திய அணி 8 விக்கெட் இழப்புக்கு 269 ரன்கள் குவித்தது.