World Highest Railway Bridge : உலகின் மிக உயரமான செனாப் ரயில் பாலத்தை பிரதமர் மோடி திறந்து வைத்தார்

ஜம்மு-காஷ்மீரின் ரியாசி மாவட்டத்தில் செனாப் ஆற்றின் மீது மொத்தம் 272 கிலோ மீட்டர் தொலைவில் பக்கால் மற்றும் கெளரி இடையே இந்த ரயில் பாலம் கட்டப்பட்டுள்ளது. செனாப் நதிக்கரை மேல் இந்த ரயில் பாலம் 359 மீட்டர் உயரத்தில் அமைந்துள்ளது. உலக புகழ்பெற்ற ஈஃபிள் கோபுரத்தைவிட இந்த செனாப் ரயில் பாலம் 35 மீட்டர் உயரமாகும்.

இந்த செனாப் ரயில் பாலம் ஆனது கத்ரா மற்றும் ஸ்ரீநகர் இடையேயான பயண நேரத்தை கணிசமாகக் குறைக்கும் மற்றும் ஜம்மு மற்றும் காஷ்மீரில் நல்ல இணைப்பை தரும். இந்தப் பாலத்தில் ரயில்கள் மணிக்கு நூறு கிலோ மீட்டர் வேகத்தில் செயல்பட முடியும். இந்தப் பாலத்திற்காக மொத்தமாக 28,660 மெட்ரிக் டன் எஃகு மற்றும் டெக்லா எனும் மென்பொருள் பயன்படுத்தப்பட்டுள்ளது. இந்தப் பாலம் 120 ஆண்டுகள் வரை நீடிக்கக்கூடியதாக 26 கிலோ மீட்டர் நீளமுள்ள போக்குவரத்துக்கான சாலைகளுடன் வடிவமைக்கப்பட்டுள்ளது. மிகப்பெரிய பூகம்ப அபாய பகுதியான மண்டலமான ஐந்தில் அமைந்துள்ள இந்த ரயில் பாலம் 8 ரிக்டர் அளவுகோல் வரையிலான பூகம்பங்களை தாங்கும் திறனும் மற்றும் 40 டன் டிஎன்டி வெடிப்புகளை தாங்கும் சக்தியும் கொண்டது. இந்தியாவின் சிவில் இன்ஜினியரிங் துறையில் இது ஒரு அற்புதமாகக் கருதப்படுகிறது.