World's Most Loyal Dog : நூறு ஆண்டுகளை தொட்ட "ஹச்சிகோ" கதை

ஜப்பானின் புகழ்பெற்ற நாய் ஹச்சிகோ 100 ஆண்டுகளை நிறைவு செய்து இன்றும் (World’s Most Loyal Dog) அந்நாட்டு மக்களின் இதயங்களில் இடம் பிடித்துள்ளது. ஹச்சிகோ, அகிடா நாய் வகையை சார்ந்தது. இது, நவம்பர் 10, 1923 அன்று ஜப்பானில் பிறந்தது. ஹச்சிகோ டோக்கியோ பல்கலைக்கழகத்தில் பணிபுரிந்த ஹிடெசாபுரோ யுனோ என்ற பேராசிரியரால் செல்லப் பிராணியாக வளர்க்கப்பட்டது. Hidezaburo Yuno தினமும் காலையில் ஷிபுயா நிலையத்திலிருந்து டோக்கியோ இம்பீரியல் பல்கலைக்கழகத்திற்குப் பயணம் செய்கிறார். ஹச்சிகோ வேலைக்குச் செல்லும் போதும், மாலையில் வேலை முடிந்து திரும்பும் போதும் ரயில் நிலையத்தில் அவரை வரவேற்கும்.

ஆனால் மே 21, 1925 இல், ஹிடெசாபுரோ யுனோ பல்கலைக்கழகத்தில் வேலைக்குச் சென்றார், திரும்பவே இல்லை. பல்கலைக்கழகத்தில் இருந்தபோது திடீரென மூளைச்சாவு ஏற்பட்டு மரணமடைந்தார். இதை அறியாத ஹச்சிகோ, தினமும் ரயில் நிலையத்திற்கு சென்று அவரைத் தேடுகிறது. ஒரு நாள் ஒரு வாரம் மட்டுமல்ல தினமும் அவருக்காக அங்கு வந்து காத்திருந்தது. 1925 முதல் 1935 வரை சுமார் 10 ஆண்டுகளாக காத்திருந்தது. ஹச்சிகோ தனது அன்பான உரிமையாளரான ஹிடெசாபுரோ யுனோவை சந்திக்க தினமும் காத்திருந்தது. அதை ரயில் நிலைய ஊழியர்கள் விரட்ட முயன்றும், தினமும் செல்வதை நிறுத்தவில்லை. பின்னர், அக்டோபர் 1932 இல், ஜப்பானிய செய்தித்தாள் டோக்கியோ அசாஹி ஷிம்பன் ஹச்சிகோவைப் பற்றிய ஒரு கதையை வெளியிட்ட பிறகு, அதன் புகழ் ஜப்பானில் மட்டுமல்ல, உலகம் முழுவதும் பரவியது.

அதைப் பார்த்த பலர் அதை அவர்கள் வீட்டிற்கு எடுத்துச் செல்ல முயன்றனர். ஆனால் அதற்கு பதிலாக அது யூனோவின் முன்னாள் தோட்டக்காரருடன் சென்றது. 1931 ஆம் ஆண்டில், ஜப்பானிய அரசாங்கம் அகிடோவை தேசிய அடையாளமாக கௌரவித்தது, டோக்கியோவில் உள்ள ஷிபுயா ரயில் நிலையத்தில் ஹச்சிகோவின் வெண்கல சிலையை வைத்தது. பின்னர் மார்ச் 8, 1935 இல், ஹச்சிகோ இறந்தது. ஹச்சிகோவின் உடல் தகனம் செய்யப்பட்டது மற்றும் அவரது சாம்பல் ஹிடெசாபுரோ யுனோவின் கல்லறைக்கு அருகில் புதைக்கப்பட்டது. மேலும் உலகின் மிகவும் விசுவாசமான நாய் (World’s Most Loyal Dog) என்று அறியப்படும் ஹச்சிகோவின் நினைவாக, டோக்கியோ பல்கலைக்கழகத்தின் வேளாண்மைத் துறையின் கட்டிடத்தின் முன் யூனோ உடன் மகிழ்ச்சியுடன் குதிக்கும் ஹச்சிகோவின் சிலை வைக்கப்பட்டுள்ளது.

மாணவர்களின் பாடப்புத்தகங்கள், திரைப்படங்கள் மற்றும் குழந்தைகளுக்கான கார்ட்டூன் தொடர்கள் என எல்லாவற்றிலும் ஹச்சிகோவின் கதை இடம்பெற்றுள்ளது. ஹச்சிகோ சந்தேகத்திற்கு இடமின்றி விசுவாசமாக இருப்பதால் சிறந்த ஜப்பானிய குடிமகனாகக் (World’s Most Loyal Dog) கருதப்படுகிறது. “ஹாச்சி: என்பது நாயின் உண்மையான பெயர் மற்றும் “கோ” என்பது நாயின் நீண்ட காத்திருப்புக்கு அந்நாட்டு மாணவர்களால் வழங்கப்பட்ட மரியாதைக்குரிய பெயர். எனவே இது பின்னர் ஹச்சிகோ என்று அழைக்கப்பட்டது. அகிதா நாய்கள் அமைதியான, விசுவாசமான, புத்திசாலி மற்றும் தைரியமானவை. தங்கள் எஜமானருக்குக் கீழ்ப்படிந்தவர்கள். பிடிவாத குணமும் கொண்டது. அது தன் எஜமானரைத் தவிர மற்றவர்களிடம் எச்சரிக்கையாக இருக்கிறது. இது ஜப்பானின் பழமையான மற்றும் மிகவும் பிரபலமான நாய் (World’s Most Loyal Dog) இனங்களில் ஒன்றாகும்.