Yuvaraj Singh Biopic : யுவராஜ் சிங் வாழ்க்கை வரலாறு படம் குறித்து யோகராஜ் அறிவிப்பு

இந்திய அணியின் முன்னாள் ஆல்ரவுண்டர் யுவராஜ் சிங்கின் வாழ்க்கை வரலாறு படத்திற்கான பணிகள் விரைவில் தொடங்கும் என்றும், யுவராஜ் சிங் இயக்கும் இந்த படத்திற்கு பெயர் வைத்துவிட்டதாக அவரது தந்தை யோகராஜ் சிங் தெரிவித்துள்ளார். இவர் ‘பாக் மில்கா பாக்’ படத்தில் பணிபுரிந்தபோது புகழ் பெற்றவர் ஆவார். யுவராஜ் சிங்கின் தந்தை யோகராஜ் பத்திரிக்கையாளர் சந்திப்பில், அவர் வாழ்க்கை வரலாற்றை (Yuvaraj Singh Biopic) உருவாக்கி வருவதாக தெரிவித்தார். அப்போது பேசிய அவர், “எனது மகனின் வாழ்க்கை வரலாற்று படத்திற்கு “தி மேன் ஆஃப் தி லாங்கஸ்ட் ஹவர்” என்று பெயர் வைக்கப்பட்டுள்ளது. இதில் யுவராஜூக்கும் எனக்கும் இடையிலான உறவுமுறைக்கு அதிக முக்கியத்துவம் கொடுக்கப்படும்.

இப்படத்தின் தலைப்பை யுவராஜ் சிங் முடிவு செய்துள்ளார், தற்போது இறுதி ஒப்புதலுக்காக காத்திருக்கிறோம் என்று தெரிவித்துள்ளார். யுவராஜ் சிங் இயக்கி, தயாரிக்கும் இப்படம் அப்பா, மகனை மையமாக வைத்து எடுக்கப்படவுள்ளது. இந்த வாழ்க்கை வரலாற்றுப் படத்தில் நடிகர் ரன்பீர் கபூர், யுவராஜ் சிங்கின் கதாபாத்திரத்தில் நடிப்பார் என்று எதிர்பார்க்கப்படுகிறது. இருப்பினும், யுவராஜ் சிங்கின் வாழ்க்கை வரலாற்றில் ரன்பீர் கபூர் நடிப்பாரா? இல்லையா? என்பது முழுமையாகத் தெரியவில்லை. யுவராஜ் சிங்கிற்கு முன், இந்திய கிரிக்கெட் வரலாற்றில் மிகவும் வெற்றிகரமான கேப்டனாக மகேந்திர சிங் தோனியின் வாழ்க்கை வரலாறு எடுக்கப்பட்டது. இந்த மறைந்த நடிகர் சுஷாந்த் சிங் ராஜ்புத், தோனியாக நடித்திருந்தார். இந்த படம் நல்ல வசூலை பெற்றது மட்டுமில்லாமல் விமர்சன ரீதியாகவும் நல்ல வரவேற்பை பெற்றது.